Песнь 1
Ирмос:
Помо́щник и Покрови́тель бысть мне во спасе́ние, Сей мой Бог, и просла́влю Его, Бог о́тца моего́, и вознесу́ Его́: сла́вно бо просла́вися. (Исх. 15:1–2)
Припев: Поми́луй мя, Бо́же, поми́луй мя.
От ю́ности, Христе́, за́поведи Твоя́ преступи́х, всестра́стно небреги́й, уны́нием преидо́х житие́: те́мже зову́ Ти, Спа́се: поне́ на коне́ц спаси́ мя.
Перевод: С юности я нарушил заповеди Твои, Спаситель; всю жизнь провёл в страстях, беспечности и нерадении. Поэтому взываю к Тебе, Спаситель: «Хотя при конце спаси меня».
Пове́ржена мя, Спа́се, пред враты́ Твои́ми, поне́ на ста́рость не отри́ни мене́ во ад тща: но пре́жде конца́, я́ко Человеколю́бец, даждь ми прегреше́ний оставле́ние.
Перевод: Поверженного пред вратами Твоими, Спаситель, хотя в старости не низринь меня в ад, как невоздержного, но прежде конца даруй мне оставление прегрешений, как Человеколюбец.
Бога́тство мое́, Спа́се, изнури́в в блуде́, пуст есмь плодо́в благочести́вых, а́лчен же зову́: О́тче щедро́т, предвари́в Ты мя уще́дри.
Перевод: Расточив богатство моё в распутстве. Спаситель, я чужд плодов благочестия, но, чувствуя голод, взываю: «Отец Милосердный, поспеши и умилосердись надо мною».
В разбо́йники впады́й аз есмь помышле́ньми мои́ми, весь от них уязви́хся ны́не и испо́лнихся ран: но Сам ми предста́в, Христе́ Спа́се, изцели́. (Лк. 10:30)
Перевод: По мыслям моим я тот человек, который попался разбойникам: теперь я весь изранен ими, покрыт язвами, но Ты Сам, Христос Спаситель, приди и исцели меня.
Свяще́нник мя предви́дев ми́мо и́де, и леви́т ви́дя в лю́тых на́га презре́: но из Мари́и возсия́вый Иису́се, Ты предста́в уще́дри мя. (Лк. 10:31–32)
Перевод: Священник, заметив меня, прошёл мимо, и левит, видя меня в беде, обнажённого, презрел; но Ты, воссиявший от Марии Иисусе, приди и умилосердись надо мною.
Припев: Преподо́бная ма́ти Мари́е, моли́ Бо́га о нас.
Ты ми даждь светоза́рную благода́ть от Боже́ственнаго свы́ше промышле́ния, избежа́ти страсте́й омраче́ния, и пе́ти усе́рдно твоего́, Мари́е, жития́ кра́сная исправле́ния.
Перевод: Даруй мне, Мария, ниспосланную тебе свыше Божественным Промыслом светозарную благодать – избегнуть мрака страстей и усердно воспеть прекрасные подвиги твоей жизни.
Слава, Троичен:
Пресу́щная Тро́ице, во Еди́нице покланя́емая, возьми́ бре́мя от Мене́ тя́жкое, грехо́вное, и я́ко благоутро́бна, даждь ми сле́зы умиле́ния.
Перевод: Пресущественная Троица, поклоняемая в одном существе, сними с меня тяжкое бремя греховное, и, как Милосердная, даруй мне слёзы умиления.
И ныне, Богородичен:
Богоро́дице, Наде́жде и Предста́тельство Тебе́ пою́щих, возьми́ бре́мя от Мене́ тя́жкое, грехо́вное, и я́ко Влады́чица чи́стая, ка́ющася приими́ мя.
Перевод: Богородица, надежда и защита воспевающих Тебя, сними с меня тяжкое бремя греховное, и, как Владычица Чистая, прими меня, кающегося.
Песнь 2
Ирмос:
Вонми́, небо, и возглаго́лю, и воспою́ Христа́, от Де́вы пло́тию прише́дшаго.
Поползо́хся я́ко Дави́д блу́дно и оскверни́хся: но омы́й и мене́, Спа́се, слеза́ми. (2Цар. 11:4)
Перевод: От невоздержания, как Давид, я пал и осквернился, но омой и меня. Спаситель, слезами.
Ни слез, ниже́ покая́ния и́мам, ниже́ умиле́ния: Сам ми сия́, Спа́се, я́ко Бог да́руй.
Перевод: Ни слёз, ни покаяния, ни умиления нет у меня; Сам Ты, Спаситель, как Бог, даруй мне это.
Погуби́х первозда́нную добро́ту и благоле́пие мое́, и ны́не лежу́ наг и стыжду́ся.
Перевод: Погубил я первозданную красоту и благообразие моё и теперь лежу обнажённым и стыжусь.
Дверь Твою́ не затвори́ мне тогда́. Го́споди, Го́споди: но отве́рзи ми сию́ ка́ющемуся Тебе́. (Мф. 7:21–23; Мф. 25:11)
Перевод: Господи, Господи, в то время не затвори предо мною Твоей двери, но отвори её для меня, кающегося Тебе.
Внуши́ воздыха́ния души́ мое́й, и о́чию мое́ю приими́ ка́пли, Спа́се, и спаси́ мя.
Перевод: Внемли, Спаситель, стенаниям души моей, прими слёзы очей моих и спаси меня.
Человеколю́бче, хотя́й всем спасти́ся. Ты воззови́ мя, и приими́, я́ко благ, ка́ющагося. (1Тим. 2:4)
Перевод: Человеколюбец, желающий всем спасения. Ты призови меня и прими, как Благий, кающегося.
Припев: Пресвята́я Богоро́дице, спаси́ нас.
Пречи́стая Богоро́дице Де́во, еди́на Всепе́тая, моли́ приле́жно, во е́же спасти́ся нам.
Перевод: Пречистая Богородица Дева, Ты Одна всеми воспеваемая, усердно моли о нашем спасении.
Ирмос:
Ви́дите, ви́дите, я́ко Аз есмь Бог, ма́нну одожди́вый и во́ду из ка́мене источи́вый дре́вле в пусты́ни лю́дем Мои́м десни́цею еди́ною и кре́постию Мое́ю. (Исх. 16:14; Исх. 17:6)
Перевод: Видите, видите, что Я – Бог, в древности ниспославший с неба манну и источивший воду из камня народу Моему в пустыне – одним Своим всемогуществом.
Ви́дите, ви́дите, я́ко Аз есмь Бог: внуша́й, душе́ моя́, Го́спода вопию́ща, и удали́ся пре́ждняго греха́, и бо́йся, я́ко неумы́тнаго, и я́ко Судии́ и Бо́га.
Перевод: «Видите, видите, что Я – Бог». Внимай, душа моя, так взывающему Господу, оставь прежний грех и убойся, как праведного Судию и Бога.
Кому́ уподо́билася еси́, многогре́шная душе́, тόкмо пе́рвому Ка́ину и Ламе́ху о́ному, каменова́вшая те́ло злоде́йствы и уби́вшая ум безслове́сными стремле́ньми. (Быт. 4:1–26)
Перевод: Кому уподобилась ты, многогрешная душа, как не первому Каину и тому же Ламеху, жестоко поразив тело злодеяниями и убив ум безрассудными стремлениями.
Вся пре́жде зако́на прето́кши, о душе́, Си́фу не уподо́билася еси́, ни Ено́са подража́ла еси́, ни Ено́ха преложе́нием, ни Но́я, но яви́лася еси́ убо́га пра́ведных жи́зни. (Быт. 5:1–32)
Перевод: Имея в виду всех, живших до закона, душа, ты не уподобилась Сифу, не подражала ни Еносу, ни Еноху через переселение духовное, ни Ною, но оказалась чуждой жизни праведных.
Еди́на отве́рзла еси́ хля́би гне́ва Бо́га твоего́, душе́ моя, и потопи́ла еси́ всю я́коже зе́млю плоть и дея́ния и житие́, и пребыли́ еси́ вне спаси́тельнаго ковче́га. (Быт. 7:1–24)
Перевод: Ты одна, душа моя, открыла бездны гнева Бога своего и потопила, как землю, всю плоть, и дела, и жизнь, и осталась вне спасительного ковчега.
Припев: Преподо́бная ма́ти Мари́е, моли́ Бо́га о нас.
Всем усе́рдием и любо́вию притекли́ еси́ Христу́, пе́рвый грехи́ путь отвра́щши, и в пусты́нех непроходи́мых пита́ющися, и Того́ чи́сте соверша́ющи Боже́ственныя за́поведи.
Перевод: Оставив прежний путь греха, ты со всем усердием и любовью прибегла ко Христу, живя в непроходимых пустынях и в чистоте исполняя Божественные Его заповеди.
Слава, Троичен:
Безнача́льная, несозда́нная Тро́ице, неразде́льная Еди́нице, ка́ющася мя приими́, согреши́вша спаси́: Твое́ есмь созда́ние, не пре́зри, но пощади́ и изба́ви огне́ннаго мя осужде́ния.
Перевод: Безначальная, несозданная Троица, нераздельная Единица, прими меня, кающегося, спаси согрешившего: я – Твоё создание; не презри, но пощади и избавь меня от осуждения в огонь.
И ныне, Богородичен:
Пречи́стая Влады́чице, Богороди́тельнице, Наде́ждо к Тебе́ притека́ющих и Приста́нище су́щих в бу́ри, Ми́лостиваго и Созда́теля и Сы́на Твоего́ уми́лостиви и мне моли́твами Твои́ми.
Перевод: Пречистая Владычица, Богородительница, надежда прибегающих к Тебе и пристанище обуреваемых; Твоими молитвами преклони на милость и ко мне Милостивого Творца и Сына Твоего.
Песнь 3
Ирмос:
Утверди́, Го́споди, на ка́мени за́поведий Твои́х подви́гшееся се́рдце мое́, я́ко еди́н свят еси́ и Го́сподь.
Благослове́ния Си́мова не насле́довала еси́, душе́ окая́нная, ни простра́нное одержа́ние, я́коже Иафе́ф, име́ла еси́ на земли́ оставле́ния. (Быт. 9:26–27)
Перевод: Симова благословения не наследовала ты, несчастная душа, не получила, подобно Иафету, обширного владения на земле – прощения грехов.
От земли́ Харра́н изы́ди от грехи́, душе́ моя́: гряди́ в зе́млю точа́щую присноживо́тное нетле́ние, е́же Авраа́м насле́дствова. (Быт. 12:1–7)
Перевод: Удались, душа моя, от земли Харран – от греха; иди в землю, источающую вечно живое нетление, которую наследовал Авраам.
Авраа́ма слышала еси́, душе́ моя́, дре́вле оста́вльша зе́млю оте́чества и бы́вша прише́льца: сего произволе́нию подража́й. (Быт. 12:1–7)
Перевод: Ты слышала, душа моя, как в древности Авраам оставил землю отеческую и сделался странником; подражай его решимости.
У ду́ба Мамври́йскаго учреди́в патриа́рх А́нгелы, насле́дствова по ста́рости обетова́ния лови́тву. (Быт. 18:1)
Перевод: Угостив Ангелов под дубом Маврийским, патриарх на старости получил, как добычу, обещанное.
Исаа́ка, окая́нная душе́ моя́, разуме́вши но́вую же́ртву, та́йно всесожже́нную Го́сподеви, подража́й его произволе́нию. (Быт. 22:2)
Перевод: Зная, бедная душа моя, как Исаак принесён таинственно в новую жертву всесожжения Господу, подражай его решимости.
Исмаи́ла слы́шала еси́, трезви́ся, душе́ моя́, изгна́на я́ко рабы́нино отрожде́ние: виждь, да не ка́ко подо́бно, что постра́ждеши ласкосе́рдствующи. (Быт. 21:10–11)
Перевод: Ты слышала, душа моя, что Измаил был изгнан, как рождённый рабою, бодрствуй, смотри, чтобы и тебе не потерпеть чего-либо подобного за сладострастие.
Припев: Преподо́бная ма́ти Мари́е, моли́ Бо́га о нас.
Содержи́мь есть бу́рею и треволне́нием согреше́ний; но сама́ мя, ма́ти, ны́не спаси́ и к приста́нищу Боже́ственнаго покая́ния возведи́.
Перевод: Окружён я, матерь, бурею и сильным волнением согрешения, но ты сама ныне спаси меня и приведи к пристанищу Божественного покаяния.
Припев: Преподо́бная ма́ти Мари́е, моли́ Бо́га о нас.
Ра́бское моле́ние и ны́не, преподо́бная, прине́сши ко благоутро́бней моли́твами твои́ми Богоро́дице, отве́рзи ми Боже́ственныя вхо́ды.
Перевод: Усердное моление и ныне принеси, преподобная, к милосердной Богородице, и своими молитвами открой мне вход к Богу.
Слава, Троичен:
Тро́ице про́стая, несозда́нная, безнача́льное естество́, в Тро́ице пева́емая Ипоста́сей, спаси́ ны ве́рою покланя́ющияся держа́ве Твое́й.
Перевод: Троица простая, несозданная. Существо безначальное, в троичности Лиц воспеваемое, спаси нас, с верою поклоняющихся силе Твоей.
И ныне, Богородичен:
От Отца́ безле́тна, Сы́на в ле́то, Богороди́тельнице, неискусому́жно родила́ еси́, стра́нное чу́до, пребы́вши Де́ва доя́щи.
Перевод: Ты, Богородительница, без мужа родила во времени Сына, от Отца вне времени Родившегося, и – дивное чудо: питая молоком, пребыла Девою.
Песнь 4
Ирмос:
Услы́ша прор́ок прише́ствие Твое́, Го́споди, и убоя́ся, я́ко хо́щеши от Де́вы роди́тися и челове́ком яви́тися, и глаго́лаше: услы́шах слух Твой и убоя́хся: сла́ва си́ле Твое́й, Го́споди.
Те́ло оскверни́ся, дух окали́ся, весь острупи́ся: но я́ко врач, Христе́, обоя́ покая́нием мои́м уврачу́й, омы́й, очи́сти, покажи́, Спа́се мой, па́че сне́га чисте́йша.
Перевод: Тело моё я осквернил, дух загрязнил, весь я изъязвлен, но Ты, Христос, как врач, уврачуй и то и другое моим покаянием, омой, очисти, убели, яви чище снега, мой Спаситель.
Те́ло Твое́ и Кровь распина́емый о всех положи́л еси́. Сло́ве: Те́ло у́бо, да мя обнови́ши. Кровь, да омы́еши мя, дух же пре́дал еси́, да мя приведе́ши, Христе́, Твоему́ Роди́телю.
Перевод: Тело Своё и Кровь, Слово, Ты принёс в жертву за всех при распятии; Тело, чтобы воссоздать меня. Кровь, чтобы омыть меня, и Дух Ты предал, Христос, чтобы привести меня к Отцу Твоему.
Соде́лал еси́ спасе́ние посреде́ земли́, Ще́дре, да спасе́мся: во́лею на дре́ве распя́лся еси́, Еде́м затворе́нный отве́рзеся, го́рняя и до́льняя, тварь, язы́цы вси спасе́ни покланя́ются Тебе́. (Пс. 73:12)
Перевод: Посреди земли Ты устроил спасение. Милосердный, чтобы мы спаслись; Ты добровольно распялся на древе; Едем открылся. Тебе поклоняются небесные и земные и все спасённые народы.
Да бу́дет ми купе́ль Кровь из ребр Твои́х, вку́пе и питие́, источи́вшее во́ду оставле́ния, да обою́ду очища́юся, помазу́яся и пия́, я́ко пома́зание и питие́, Сло́ве, живото́чная Твоя́ словеса́. (Ин. 19:34)
Перевод: Из бока Твоего Кровь и вместе Вода, источившая оставление грехов, да будет мне омовением и питием, чтобы мне тем и другим очищаться, помазуясь и напояясь животворными Твоими словами, как мазью и питием.
Ча́шу Це́рковь стяжи́ ре́бра Твоя́ живоно́сная, из ни́хже сугу́быя нам источи́ то́ки, оставле́ния и ра́зума, во о́браз дре́вняго и но́ваго, двои́х вку́пе заве́тов, Спа́се наш.
Перевод: Церковь имеет Чашу в живоносном ребре Твоём, Спаситель наш, из которого проистёк нам двойной поток оставления грехов и разумения, в образ обоих заветов, Ветхого и Нового.
Наг есмь черто́га, наг семь и бра́ка, ку́пно и ве́чери, свети́льник угасе́, я́ко безъеле́йный, черто́г заключи́ся мне спя́щу, ве́черя снеде́ся, аз же по руку́ и но́гу свя́зан, вон низве́ржен есмь. (Мф. 25:1–13. Лк. 12:35–37; Лк. 13:24–27; Лк. 14:7–24)
Перевод: Я – вне брачного чертога, лишён и брака, и вечери; светильник, будучи без елея, погас; чертог во время моего сна закрыт, вечеря кончена; а я, связанный по рукам и ногам, извержен вон.
Слава, Троичен:
Неразде́льное существо́м, несли́тное ли́цы, богосло́влю Тя, Тро́ическое еди́но Божество́, я́ко единоца́рственное и сопресто́льное; вопию́ Ти песнь вели́кую, в вы́шних трегу́бо песносло́вимую. (Ис. 6:1–3)
Перевод: Нераздельным по существу, неслиянным по лицам богословски исповедую Тебя, Троичное Единое Божество, соцарственное и сопрестольное; возглашаю Тебе великую песнь, в небесных обителях троекратно воспеваемую.
И ныне, Богородичен:
И ражда́еши, и де́вствуеши, и пребыва́еши обою́ду естество́м Де́ва: Рожде́йся обновля́ет зако́ны естества́, утро́ба же ражда́ет неражда́ющая: Бог иде́же хо́щет, побеждае́тся естества́ чин: твори́т бо ели́ка хо́щет.
Перевод: И рождаешь Ты, и остаёшься Девою, в обоих случаях сохраняя по естеству девство. Рождённый Тобою обновляет закон природы, а девственное чрево рождает; когда хочет Бог, то нарушается порядок природы, ибо Он творит, что хочет.
Песнь 5
Ирмос:
От но́щи у́тренююща, Человеколю́бче, просвети́, молю́ся, и наста́ви и мене́ на повеле́ния Твои́, и научи́ мя, Спа́се, твори́ти во́лю Твою́. (Пс. 62:2; Пс. 118:35)
Я́ко тя́жкий нра́вом фарао́ну го́рькому бых, Влады́ко, Ианни́ и Иамври́ душе́ю и те́лом, и погруже́н умо́м: но помози́ ми. (Исх. 7:11; 2Тим. 3:8)
Перевод: По упорству я стал как жестокий нравом фараон, по душе и по телу я – Ианний и Иамврий, и по уму погрязший, но помоги мне, Владыка.
Ка́лом смеси́хся окая́нный умо́м: омы́й мя, Влады́ко, ба́нею мои́х слез, молю́ Тя, пло́ти мое́й оде́жду убели́в я́ко снег.
Перевод: Загрязнил я, несчастный, свой ум, но омой меня. Владыка, в купели слёз моих, молю Тебя, и убели, как снег, одежду моей плоти.
А́ще испыта́ю мои́ дела́, Спа́се, вся́каго челове́ка превозше́дша грехи́ми себе́ зрю, я́ко ра́зумом му́дрствуяй согреши́х, не неве́дением.
Перевод: Когда исследую дела свои, Спаситель, то вижу, что превзошёл я грехами всех людей, ибо я грешил с разумным сознанием, а не по неведению.
Пощади́, пощади́, Го́споди, созда́ние Твое́: согреши́х, осла́би ми, я́ко естество́м чи́стый Сам сый еди́н, и ин ра́зве Тебе́ никто́же есть кроме́ скве́рны.
Перевод: Пощади, Господи, пощади создание Своё: я согрешил, прости мне, ибо Ты один чист по природе и, кроме Тебя, никто другой не чужд нечистоты.
Мене́ ра́ди Бог сый вообрази́лся еси́ в мя, показа́л еси́ чудеса́, изцели́в прокаже́нныя и разсла́бленнаго стягну́в, кровоточи́выя ток уста́вил еси́, Спа́се, прикоснове́нием риз. (Мф. 9:20. Мк. 5:25–27. Лк. 8:43–44)
Перевод: Будучи Богом, Ты, Спаситель, принял ради меня мой образ и, совершая чудеса, исцелял прокажённых, укреплял расслабленных, остановил кровотечение у кровоточивой прикосновением к одежде.
Припев: Преподо́бная ма́ти Мари́е, моли́ Бо́га о нас.
Струи́ Иорда́нския преше́дши, обрела́ еси́ поко́й безболе́зненный, пло́ти сла́сти избежа́вши, ея́же и нас изми́ Твои́ми моли́твами, преподо́бная.
Перевод: Ты перешла Иорданский поток и приобрела безболезненный покой, оставив плотское удовольствие, от которого избавь и нас своими молитвами, преподобная.
Слава, Троичен:
Тя, Тро́ице, сла́вим, еди́наго Бо́га: свят, свят, свят еси́, О́тче, Сы́не и Ду́ше, про́стое Существо́, Еди́нице, при́сно покланя́емая.
Перевод: Тебя, Пресвятая Троица, прославляем за Одного Бога: Свят, Свят, Свят Ты, Отец, Сын и Дух, простое Существо, Единица вечно поклоняемая.
И ныне, Богородичен:
Из Тебе́ облече́ся в мое́ смеше́ние, нетле́нная, безму́жная Ма́ти Де́во, Бог созда́вый ве́ки, и соедини́ Себе́ челове́ческое естество́.
Перевод: В Тебе, нетленная безмужная Матерь – Дева, сотворивший мир Бог облёкся в мой состав и соединил с Собою человеческую природу.
Песнь 6
Ирмос:
Возопи́х всем се́рдцем мои́м к Ще́дрому Бо́гу, и услы́ша мя от а́да преиспо́дняго, и возведе́ от тли живо́т мой.
Воста́ни и побори́, я́ко Иису́с Амали́ка, плотски́я стра́сти, и Гаваони́ты, ле́стныя по́мыслы при́сно побежда́ющи. (Исх. 17:8. Иис. Нав. 8:21)
Перевод: Восстань и побеждай плотские страсти, как Иисус Амалика, всегда побеждая и гаваонитян – обольстительные помыслы.
Преиди́ вре́мене теку́щее естество́, я́ко пре́жде ковче́г, и земли́ о́ныя бу́ди во одержа́нии обетова́ния, душе́: Бог повелева́ет. (Иис. Нав. 3:17)
Перевод: Душа, Бог повелевает: перейди, как некогда ковчег Иордан, текущее по своему существу время, и сделайся обладательницею обещанной земли.
Я́ко спасл еси́ Петра́ возопи́вша, спаси́ предвари́в мя, Спа́се, от зве́ря мя изба́ви, просте́р Твою́ ру́ку, и возведи́ из глубины́ грехо́вныя. (Мф. 14:30–31)
Перевод: Как Ты спас Петра, воззвавшего, поспеши. Спаситель, спасти и меня, избавь меня от зверя, простёрши руку Свою, и выведи из глубины греха.
Приста́нище Тя вем ути́шное, Влады́ко, Влады́ко Христе́: но от незаходи́мых глуби́н греха́ и отча́яния мя предвари́в изба́ви.
Перевод: Тихое пристанище вижу в Тебе, Владыка, Владыка Христос, поспеши же избавить меня от непроходимых глубин греха и отчаяния.
Слава, Троичен:
Тро́ица есмь про́ста, неразде́льна, разде́льна ли́чне, и Еди́ница есмь естество́м соедине́на, Оте́ц глаго́лет, и Сын, и Боже́ственный Дух.
Перевод: Я – Троица простая, нераздельная, раздельная в лицах, и Единица, соединённая по существу; свидетельствует Отец, Сын и Божественный Дух.
И ныне, Богородичен:
Утро́ба Твоя́ Бо́га нам роди́, воображе́нна по нам: Его́же, я́ко Созда́теля всех, моли́, Богоро́дице, да моли́твами Твои́ми оправди́мся.
Перевод: Чрево Твоё родило нам Бога, принявшего наш образ; Его, как Создателя всего мира, моли. Богородица, чтобы по молитвам Твоим нам оправдаться.
Го́споди, поми́луй (трижды). Слава, и ныне:
Кондак, глас 6
Душе́ моя́, душе́ моя́, воста́ни, что́ спи́ши? Коне́ц приближа́ется, и и́маши смути́тися: воспряни́ у́бо, да пощади́т тя Христо́с Бог, везде́ сый и все исполня́яй.
Перевод: Душа моя, душа моя, восстань, что ты спишь? Конец приближается, и ты смутишься; пробудись же, чтобы пощадил тебя Христос Бог, Вездесущий и всё наполняющий.
Песнь 7
Ирмос:
Согреши́хом, беззако́нновахом, непра́вдовахом пред Тобо́ю, ниже́ соблюдо́хом, ниже́ сотвори́хом, я́коже запове́дал еси́ нам: но не преда́ждь нас до конца́, отце́в Бо́же. (Дан. 9:5–6)
Манасси́ева собрала́ еси́ согреше́ния изволе́нием, поста́вльши я́ко ме́рзости страсти, и умно́живши, душе́, негодова́ния: но того́ покая́нию ревну́ющи те́пле, стяжи́ умиле́ние. (4Цар. 21:2)
Перевод: Ты, душа, добровольно вместила преступления Манассии, поставив вместо идолов страсти и умножив мерзости; но усердно подражай и его покаянию с чувством умиления.
Ахаа́вовым поревнова́ла еси́ скве́рнам, душе́ моя́, увы́ мне! была́ еси́ плотски́х скве́рн пребыва́лище, и сосу́д сра́млен страсте́й: но из глубины́ твое́й воздохни́ и глаго́ли Бо́гу грехи́ твоя́. (3Цар. 16:30)
Перевод: Ты подражала Ахаву в мерзостях, душа моя; увы́, ты сделалась жилищем плотских нечистот и постыдным сосудом страстей; но вздохни из глубины своей и поведай Богу грехи свои.
Заключи́ся тебе́ не́бо, душе́, и глад Бо́жий пости́же тя, егда́ Илии́ Фесви́тянина я́коже Ахаа́в не покори́ся словесе́м иногда́ но Сара́ффии уподо́бися: напита́й проро́чу ду́шу. (3Цар. 17:7–9)
Перевод: Заключилось небо для тебя, душа, и голод от Бога послан на тебя, как некогда на Ахава за то, что не послушал слов Илии Фесвитянина; но ты, подражая вдове Сарептской, напитай душу пророка.
Попали́ Илиа́ иногда́ два́щи пятьдеся́т Иезаве́линых, егда́ сту́дныя проро́ки погуби́ во обличе́ние Ахаа́вово: но бе́гай подража́ния двою́, душе́, и укрепля́йся. (4Цар. 1:10–15)
Перевод: Илия попалил некогда дважды по пятьдесят служителей Иезавели, когда истреблял гнусных пророков её во обличение Ахава; но ты, душа, избегай подражания обоим им и будь воздержна.
Слава, Троичен:
Тро́ице про́стая, неразде́льная, единосу́щная, и естество́ еди́но. Све́тове и Свет, и Свя́та три и еди́но Свя́то, пое́тся Бог Тро́ица: но воспо́й, просла́ви Живо́т и Животы́, душе́, всех Бо́га.
Перевод: Троица простая, нераздельная, единосущная и одно Божество, Светы и Свет, три святы и одно лицо свято. Бог – Троица, воспеваемая в песнопениях; воспой же и ты, душа, прославь Жизнь и жизни всех Бога.
И ныне, Богородичен:
Пое́м Тя, благослови́м Тя, покланя́емся Ти, Богороди́тельнице: я́ко неразде́льныя Тро́ицы породила́ еси́ Еди́наго, Христа́ Бо́га, и Сама́ отве́рзла еси́ нам су́щим на земли́ небе́сная.
Перевод: Воспеваем Тебя, благословляем Тебя, поклоняемся Тебе, Богородительница, ибо Ты родила Одного из нераздельной Троицы, Христа Бога, и Сама открыла для нас, живущих на земле, небесные обители.
Песнь 8
Ирмос:
Его́же во́инства небе́сная сла́вят, и трепе́щут херуви́ми и серафи́ми, вся́ко дыха́ние и тварь, по́йте, благослови́те и превозноси́те во вся ве́ки.
Правосу́де Спа́се, поми́луй и изба́ви мя огня́ и преще́ния, е́же и́мам на суде́ пра́ведно претерпе́ти: осла́би ми пре́жде конца́, доброде́телию и покая́нием.
Перевод: Правосудный Спаситель, помилуй и избавь меня от огня и наказания, которому я должен справедливо подвергнуться на суде; прости меня прежде кончины, дав мне добродетель и покаяние.
Я́ко разбо́йник вопию́ Ти, помяни́ мя: я́ко Петр пла́чу го́рце, осла́би ми, Спа́се: зову́ я́ко мыта́рь, слезю́ я́ко блудни́ца: приими́ мое́ рыда́ние, я́коже иногда́ Ханане́ино. (Лк. 23:42; Лк. 22:62; Лк. 18:13; Лк. 7:37–38. Мф. 15:22)
Перевод: Как разбойник, взываю к Тебе: «Вспомни меня». Как Пётр, горько плачу. Спаситель; как мытарь, издаю вопль; проливаю слезы, как блудница; прими моё рыдание, как некогда от жены Хананейской.
Гное́ние Спа́се, изцели́ смире́нныя мое́й души́, еди́не врачу́: пла́стырь мне наложи́ и еле́й и вино́, дела́ покая́ния, умиле́ние со слеза́ми.
Перевод: Один Врач – Спаситель, исцели гниение моей смиренной души; приложи мне пластырь, елей, вино – дела покаяния, умиление и слёзы.
Ханане́ю и аз подража́я, поми́луй мя, вопию́, Сы́не Дави́дов: каса́юся кра́я ри́зы, я́ко кровоточи́вая: пла́чу, я́ко Ма́рфа и Мари́а над Ла́зарем. (Мф. 15:22; Мф. 9:20. Ин. 11:33)
Перевод: Подражая жене Хананейской, и я взываю к Сыну Давидову: «Помилуй меня»; касаюсь одежды Его, как кровоточивая; плачу, как Марфа и Мария над Лазарем.
Слава, Троичен:
Безнача́льне О́тче, Сы́не Собезнача́льне, Уте́шителю Благи́й, Ду́ше пра́вый, Сло́ва Бо́жия Роди́телю, Οтца́ Безнача́льна Сло́ве, Ду́ше живы́й и зи́ждяй, Тро́ице Еди́нице, поми́луй мя.
Перевод: Безначальный Отец, Собезначальный Сын, Утешитель Благий, Дух Правый, Родитель Бога Слова, Слово Безначального Отца, Дух живой и созидающий, Троица Единица, помилуй меня.
И ныне, Богородичен:
Я́ко от оброше́ния червлени́цы, Пречи́стая, у́мная багряни́ца Еммануи́лева внутрь во чре́ве Твое́м плоть изтка́ся: те́мже Богоро́дицу вои́стину Тя почита́ем.
Перевод: Мысленная порфира – плоть Еммануила соткалась внутри Твоего чрева. Пречистая, как бы из вещества пурпурного; поэтому мы почитаем Тебя, Истинную Богородицу.
Песнь 9
Ирмос:
Безсе́меннаго зача́тия рождество́ несказа́нное, Ма́тере безму́жныя нетле́нен плод: Бо́жие бо рожде́ние обновля́ет естества́: те́мже Тя вси ро́ди, я́ко Богоневе́стную Ма́терь, правосла́вно велича́ем.
Неду́ги изцеля́я, ни́щим благовествова́ше Христо́с сло́во, вре́дныя уврачева́, с мытари́ ядя́ше, со гре́шники бесе́доваше, Иаи́ровы дще́ре ду́шу предуме́ршую возврати́ осяза́нием руки́. (Мф. 4:23; Мф. 9:10–11. Мк. 5:41–42)
Перевод: Врачуя болезни, Христос – Слово благовествовал нищим, исцелял увечных, вкушал с мытарями, беседовал с грешниками и прикосновением руки возвратил вышедшую из тела душу Иаировой дочери.
Мыта́рь спаси́шеся, и блудни́ца целому́дрствоваше, и фарисе́й хваля́ся осужда́шеся: ов у́бо, очи́сти мя: о́ва же, поми́луй мя, сей же велича́шеся вопия́: Бо́же, благодарю́ Тя: и про́чия безу́мныя глаго́лы. (Лк. 18:14; Лк. 18:46–47)
Перевод: Мытарь спасся и блудница сделалась целомудренною, а гордый фарисей подвергся осуждению, ибо первый взывал: «Будь милостив ко мне»; другая: «Помилуй меня»; а последний тщеславно возглашал: «Боже, благодарю тебя...», и прочие безумные речи.
Закхе́й мыта́рь бе, но оба́че спаса́шеся, и фарисе́й Си́мон соблажня́шеся, и блудни́ца приима́ше остави́тельная разреше́ния от иму́щаго кре́пость оставля́ти грехи́: ю́же, душе́, потщи́ся подража́ти. (Лк. 19:2; Лк. 7:39. Ин. 8:3–11)
Перевод: Закхей был мытарь, однако же, спасся; Симон фарисей соблазнялся, а блудница получила решительное прощение от Имеющего власть отпускать грехи. Спеши, душа, и ты подражать ей.
Блудни́це, о окая́нная душе́ моя́, не поревнова́ла еси́, я́же прии́мши ми́ра алава́стр, со слеза́ми ма́заше но́зе Спа́сове, οтре́ же власы́, дре́вних согреше́ний рукописа́ние раздира́ющаго ея́. (Лк. 7:37–38)
Перевод: Бедная душа моя, ты не подражала блуднице, которая, взяв сосуд с миром, мазала со слезами и отирала волосами ноги Спасителя, разорвавшего запись её прежних согрешений.
Гра́ды, и́мже даде́ Христо́с благове́стие, душе́ моя́, уве́дала еси́, ка́ко про́кляти бы́ша: убо́йся указа́ния, да не бу́деши я́коже о́ны, и́хже содо́мляном Влады́ко уподо́бив, да́же до а́да осуди́. (Лк 10:12–15)
Перевод: Ты знаешь, душа моя, как прокляты города, которым Христос благовестил Евангелие; страшись этого примера, чтобы и тебе не быть, как они, ибо Владыка, уподобив их содомлянам, присудил к аду.
Да не го́ршая, о душе́ моя́, яви́шися отча́янием ханане́и, ве́ру слы́шавшая, ея́же дщи сло́вом Бо́жиим изцели́ся: Сы́не Дави́дов, спаси́ и мене́, воззови́ из глубины́ се́рдца, я́коже οна́ Христу́. (Мф. 15:22)
Перевод: Не окажись, душа моя, по отчаянию хуже хананеянки; слышавши о вере, по которой исцелена дочь Божиим словом, взывай, как она, Христу из глубины сердца: «Сын Давидов, спаси меня».
Слава, Троичен:
Отца́ просла́вим. Сына превознесе́м, Боже́ственному Ду́ху ве́рно поклони́мся, Тро́ице неразде́льней, Еди́нице по существу́, я́ко Све́ту и Све́том, и Животу́ и Живото́м, животворя́щему и просвеща́ющему концы́.
Перевод: Прославим Отца, превознесём Сына, с верою поклонимся Божественному Духу, Нераздельной Троице, Единой по существу, как животворящему и просвещающему концы вселенной. Свету и Светилам, Жизни и Жизням.
И ныне, Богородичен:
Град Твой сохраня́й, Богороди́тельнице Пречи́стая: в Тебе́ бо сей ве́рно ца́рствуяй, в Тебе́ и утвержда́ется, и Тобо́ю побежда́яй побежда́ет вся́кое искуше́ние, и пленяет ратники, и проходит послушание.
Перевод: Сохраняй город Твой, Пречистая Богородительница. Под Твоею защитою он царствует с верою, и от Тебя получает крепость, и при Твоём содействия неотразимо побеждает всякое бедствие, торжествует над врагами и держит их в подчинении.
Припев: Преподо́бне о́тче Андре́е, моли́ Бо́га о нас.
Андре́е честны́й и о́тче треблаже́ннейший, па́стырю Кри́тский, и не преста́й моля́ся о воспева́ющих тя, да изба́вимся вси гне́ва и ско́рби и тле́ния и прегреше́ний безме́рных, чтущи таою́ па́мять ве́рно.
Перевод: Андрей досточтимый, отец преблаженнейший, пастырь Критский, не переставай молиться за воспевающих тебя, чтобы избавиться от гнева, скорби, тления и бесчисленных прегрешений нам всем, искренно почитающим твою память.